香港知名漫畫插畫家林祥焜，早前與深水埗某商場合作，創作6幅女性漫畫巨型戶外廣告，但遭區議員投訴廣告中女性衣着暴露，要求下架。
稍後熱帶風暴浪卡襲港，天文台發出三號風球，商場派員移除廣告。但事件有新發展，另一本地漫畫家甘小文創作的巨型漫畫戶外廣告，於商場外牆掛起。
凌晨1時許，記者趕到西九龍中心時，外牆已掛起「肥婆四」廣告，並正掛上「哨牙珍」廣告，稍後工人在吊臂車協助下再掛起第三幅廣告。事件引起網民熱議，連登有網民貼出早前被下架廣告，暗示由少女變肥妹「而家我接受唔到」。
亦有網民留言反問，「好好笑，禮儀廉會唔會又投訴？」
至凌晨2時許，林祥焜於fb出帖：「一早預告大家有驚喜架啦！掛兩幅甘小文你哋就咁興奮？好戲陸續有嚟，仲有四幅倫（輪）住上架，大家又估吓林祥焜啲畫會唔會被DQ？」
本月中，林祥焜與西九龍中心合作，於外牆掛起6幅女性漫畫巨型戶外廣告。資深傳媒人車淑梅在個人fb內分享廣告相片，並寫上「嚇一跳......」，即時引來不少人指廣告低俗、文化沉淪及教壞小朋友等。
其後民建聯深水埗議員劉佩玉聯同數名家長到商場請願，指外牆廣告人物衣着暴露，及擺出不雅姿勢，擔心子女被不良意識誤導，要求商場將廣告下架。
至本月12日熱帶風暴浪卡襲港，西九龍中心外有吊臂車拆除6幅廣告，當時有街坊質疑西九龍中心「連掛張poster嘅自由都容不下」，直斥商場「無骨氣」。
林祥焜其後接受本報訪問，指擔心作品會吹爛弄傷途人，所以先行拆除。
他又於個人fb出帖釋除疑慮，呼籲大家「唔駛驚」，「以前大風都吹爛過，落架只是驚打風大家路過有危險啫！
並非乜嘢區議員自作聰明，成功爭取落架！之後林祥焜插畫會再上架西九龍中心，但要畀少少時間我同西九龍中心，我哋準備咗一啲新驚喜畀大家！請拭目以待！」
【12:23】
早上有不少市民站在西九龍中心對面街，向着外牆的三幅漫畫廣告拍照，有市民更舉起V字手勢，以廣告板做背景拍照，市民伍先生昨晚上網獲知商場外牆換上「肥婆四」、「哨牙珍」等廣告板後，今晨特別前來「打卡」拍照。
他坦言「創作唔應該咁多限制，啲人啲意見好無理。」
對於之前美少女漫畫被評為性感的看法，他直言「冇乜意見」，現時換上新一批廣告板，他就指「反映人創作嘅靈活，香港人文化就係夠靈活同夠自由，呢個係香港核心價值，反映香港特質，香港人創作嘅特質，香港人靈活變通！」
【17:00】
曾經拉大隊到西九龍中心請願，指海報人物衣着暴露，要求商場將廣告下架的深水埗區議員劉佩玉，於商場換上另一批廣告後即解畫，「上次係收到家長投訴，以區議員身份去反映意見」。劉佩玉已留意商場換上另一批廣告，惟對是次的人物衣著風格不作評論，強調「我嘅意見唔重要」！
對於自己的照片被網民惡搞，與新廣告人物「肥婆四」拼接，劉佩玉認為， 「香港係多元化社會，我唔會因為咁而唔開心，會坦然面對。」
=======================
哈哈~
真係醜人多八怪~~~
下次畫屯門公園大媽性感跳唱團、
變態屯門公園色情伯賤格圍堆圖~~~
睇下班豬八怪仲投唔投訴教壞細路要下架~~~
HAHAHAHAHAHAHAHAHAAAA~~~~
沒有留言:
張貼留言