循環 = 輪迴

呢排忽然對清朝人物產生濃厚既好奇,

兩星期前對文綉好有興趣......因為文綉既關係,

連婉蓉皇后生平都睇埋.

因為年前毛岸青死了,

就不停搵毛岸青既生平睇.

睇完都係覺得,有時傻人先至真係有傻福.

一樣都係毛澤東既仔女,叻既一早死哂,

10幾個入面得4個存活,

而岸青呢位死左阿媽要係上海流浪既小朋友,

就咁係上海比警察打壞左腦,導致精神有些不及正常人.

雖然咁就一世,但係共產黨對佢都算好好,肯顧佢生養死葬....到足足84歲先仙遊.

另一位呢~

就係李納,係毛同江青既女,

呢個女仔廿歲大學畢業,

即刻做佢阿媽最中意既野,

批鬥解放軍既報社,

因為咁,自已就吞左間野,由自已玩.

到老豆死左,老母下獄,小平上位,(小平既仔係比紅衛兵打斷對腳)

佢就一下跌左去做一個掛牌幹部,

連醫藥費都係自已出,

國家唔會津貼,天寒地涷仲要踩單車去買配給既大白菜.

想分老豆身家,去信比中央,

比小平一句:佢既身家係國家同人民既!

就咁一句打發完~

 

人唔係一個人,人係一個世界上既其中一個角色.

只係不停咁循環地演一個大時代戲劇.....

 

尋日開始,我又開始對九王奪嫡有興趣.

就開始睇返康熙既事跡,

睇到有一段,係同康熙由細跟到大既太監李德全日記寫的.

就係話康熙有一個習慣,

就係喜歡看日出.

每次都係會好概嘆地說: 朕...係一個不祥人.....

康熙每說到這裹李就會哭.....

 

我尋晚有試過代入康熙既心態去感受,

一個細路仔,

同其他兄弟要競爭,但係競爭力不夠,

因為咁產生叛逆性格,

要用自已去証明人地係錯,

就算人地唔係錯,

都會因為我既特別,而令人改觀.....

但係一個皇室又點可以接受叛逆性格既成員呢?

永遠都只會將自已放係一個被討厭既境地.....

得意在既係,

佢父親....順治,都係一個叛逆性格既人,

只可惜順治冇呢個靚仔咁夠膽力,

所以呢個懦弱既叛逆,只會令到自已體弱多病.....

順治係比多爾袞欺壓,

孝莊皇太后為保皇室而要與多爾袞暗鬥,

孝莊一直不干政,不越權,

只是不停親自說服事件既關鍵人,

令多爾袞如意算盤常出岔子.

而順治呢,

就係不明白孝莊,

將對自已無能既厭惡遷怒於孝莊.......

後來經孝莊說服湯若望神父做說客,

終於說服到順治傳位給康熙.....

然後鬱卒而死....

 

又一個循環....

 

康熙上位,如同父親一樣,被大臣欺壓,

欺壓得最厲害莫過於鰲拜....

 

自小被討厭,因天花病而被軟禁在冷宮等死,

越想要人見到自已,就越反叛,

越反叛就越被排斥....

孤獨.....徹底的"寒冷、一個冰冷的孤獨",

到做皇帝都一直要面對被欺壓的壓力,

又一個對孝莊遷怒既皇帝.....

 

索尼是其中一個攝政大臣,

被鰲拜排斥得厲害,

因為康熙的叛逆性格,

竟然叛逆孝莊要他選妃納后的提議,

去買了一個妓女回宮.....

鰲拜又有機會了~

當時索尼的孫女赫舍里氏自小便喜歡康熙,

見康熙這個做法會闖大禍,

就走去孝莊那處,自薦嫁給康熙,

其一可保索尼命,其二可保皇室權力穩定,

孝莊很疼愛這個小皇后.

可是對康熙來說就是另一個角度的理解了....

 

後來索尼被鰲拜害死了,

鰲拜更不可一世,專橫拔浥,

結黨營私每日不停攻擊欺壓康熙....

後來鰲拜竟然連覲見皇上,

都可以將宮門守衛支開,

對此,皇后有意無意的開玩笑地對康熙說過,

這樣接見鰲拜,小心被殺了也沒人知道呢~

身邊沒朋友也不太好吧~

不如自已請幾個朋友仔一起玩吧~

就這樣一個提示,

康熙就想到一道計仔出來了.....

而鰲拜亦因皇后的提示而裁於12個相撲手之下.......

當時皇帝獨自與12少年擒鰲拜,

吩咐皇后去了孝莊那裹等他消息,

而那時,身為皇帝的康熙,以他的力量,

只可以召到兩小隊衛兵聽令把守好慈寧宮.....

皇后與太后等著等著....

孝莊很不安,擔心得不停在慈寧宮裹團團踱步....

後來不安極了,

孝莊命令那兩小隊衛兵去保護康熙,

衛兵這下可難做了,

聖旨落下叫守慈寧宮,

怎可逆旨呢........?

那知孝莊急得一呼:我們這兩條命又算得什麼!!快去!!這裹空著也不打緊,守著皇上!

到衛兵去到時,就見到12個相撲少年壓著鰲拜的場面了~

 

(中間有個小插曲,因皇帝遇刺,要派鰲拜去查,每次皇室查問鰲拜,

鰲拜想獨攬大權,竟說皇帝年幼,不便管理太多事務,

終於皇后開聲了:皇上已經成家,長大成人可以親政了,現在不到鰲拜你這外人管了.

全場即時鴉雀無聲......

一個字: "強"!!)

 

之後因削蕃政策,

令吳三桂起兵叛變,

那時康熙才驚訝的發現,

朝廷竟然沒錢打仗......

 

因為長期抑制自已的叛逆性格,

自卑、對自已性命隨時失去的恐怖感,

抑壓自我情緒、不停被否定、不停地被外圍因素控制,被扯後腿等等...

終於不支,當場吐血暈倒在朝廷的龍椅上.......

 

昏迷其間,皇室勢弱.....

皇后只好代理執政,

皇帝是正統都被攻擊得體無完膚....

更何況是....女人?

皇后每天批奏摺,

看見各地民間因戰亂的慘況,

每天各地各省的難民生活,

各地被搶掠的情況.....

每天都是一路批奏摺一路落淚......

終於有一天,群臣進一步攻擊皇后想做武則天了.....

 

後來皇后想了一條絕世好橋,

就是和二名忠臣演戲,

要人捐獻給國家做打仗費用,

因為扯貓尾的戲做得太好了,

形成一個形勢壓力給每個大臣,

不捐獻就會好核突,

國家終於有錢打吳三桂了.

 

到康熙醒了,知道一切之後,

就發動衛國戰,

打敗了吳三桂.

 

  樹欲靜而風不息,子欲養而親不在

 

剛大權回歸,皇位坐得穩的時候,

康熙非常疼惜這個皇后,亦很孝順孝莊.

可惜...這個皇后生第二胎時難產死了,

死時只得廿二歲....

而孝莊亦因為年老病而與世長辭......

 

以後康熙很怕愛人....

很怕愛一個人,那人就必沒好結果,

對自已的兒子也是,

(最疼18阿哥,18阿哥12歲就病死了....以後康熙就對所有皇子都變態地高要求)

 

到現在回想返,佢成日嘆自已係不祥人.....

感覺有些酸....

但我想,佢已經更高層次了,

就是麻木...

每次都是對著日出回想少年時,

以前那自以為"不幸"既"幸福".....

 

(回憶在少年時那不幸的境況下,

 仍有真心愛錫他的人不顧生死地為他做著一切可以保全他的事.....

 他就完全地浸淫在這寒冷中的一絲暖流裹懷念著...感恩著....孤獨著....沉悔著....)

 

到朝霞露盡,

他一下子又要別轉頭去上朝面對現實了....

 

因為康熙是個重情之人.

所以覺得咁都唔痴線真係好野!!

 

到雍正,又係一個被欺壓既皇帝......

人生好得意....

只會不停地輪迴,

 

多爾袞被皇太極欺壓

 

順治被多爾袞欺壓

 

康熙論迴佢父親的事兩次,

一次是鰲拜,另一次是九王奪嫡,險些被圍城一命嗚呼.......

 

而雍正因中年才上位,

所以只輪回了一次八皇議政,

但命運跟爺爺順治差不了多小.....

 

富不了三代....乾隆、嘉慶、道光

到咸豐就出了一個變態,老兒不,黑山老妖怪慈禧了...

 

欠女人債的國家.....孝莊成全、慈禧敗盡.....

 

跟住就是慈禧太后這個老妖怪玩到埋佢地單.....

 

但是,慈禧這個葉赫納拉氏是曾被努爾哈赤滅過族的,

當時該族長臨死前有詛咒過,

只要該族還有一人,不論男定女,

都會報努爾哈赤這個滅族之仇......

 

 

努爾哈赤--->葉赫納拉氏                                                            

皇太極----->多爾袞                                                       

多爾袞----->順治

鰲拜----->康熙

八皇爺黨------>雍正

 

 

慈禧--葉赫納拉氏---->同治、光緒、宣統

                               ︽

                              ︳︳

                               ︾

孝莊就成全了---------->皇太極、順治、康熙

 

 

 

兩個女人,分別佔了"開場"和"落幕",各佔了三代的戲份......真的只是湊巧嗎??

 

我覺得由開場到謝幕都是一個完美的"循環中的循環",完美無瑕,無懈可擊.

 

幾千年以來任何事都離不開循環.....循環皆來自因果......怨不得....恨不起....